Hejmara 66an a Le Monde diplomatique kurdî, bi naverokeke dewlemend derket pêşberî xwendevanên kurdî.

Xwendevanên rojnameyê, di hejmara tebax-îlonê de ji edîsyona fransizî dê bikaribin li gel dosyaya Afxanistanê, gotar û analîzên wekî; 'Belgeya tendirustîyê [vaksînê], astengkirina azadîyan', 'Civata sosyalan', 'Kabloyên noqaran, karekî dewletan' û hwd. bixwînin.

Xwendevanên Lmd-kurdî, di beşa nivîsên redaksîyona kurdî de vê mehê dê gotar û analîzên akademîsyen û nivîskarên kurd Jînda Zekioğlu ya bi sernavê 'Şîneke bo Wijdana Dewletê Mayî: Malbata Dedeoğlu', Prof. Dr. Abdullah Kıran, a bi sernavê 'Rûbirûbûna Şaşîyên Stratejîk’, Çetin Çeko ya bi sernavê 'Tarîxa Bêdengîyekê: Seredanên Mela Mistefa Barzanî yên Îsraîlê' bixwînin.

Hevkara me Jînda Zekioğlu hevpeyivîneke balkêş a li ser ''Sîyaseta Tirkîyeyîbûnê, Kurdistanîbûnê û geşepêdanên rojane'' bi hevserokê kevn yê HDPê Selahattin Demirtaş re ji bo xwendevanên LMd-kurdî kirîye.

LMd-kurdî, di hejmara 66an de rûpelên xwe bi wêneyên wênesazê kurd Ercan Altuntaş xemilandîye, hunermendê vê hejmarê ji bajarê Amedê ye.

Xwendevan dikarin bi rêya malperên jêrîn yên medyaya civakî rojnameyê bişopînin:
Web: http://lemonde-kurdi.net/
Facebook: Le Monde diplomatique kurd
Twitter: @Diplo_Kurdi
Instagram: diplo_kurdi
E-Mail: info@diplo-kurdi.com

Rojnameya LMd-kurdî di bin banê RÛPEL MULTIMEDIA GMBHyê de, bi weşana dîjîtal xizmetê dide xwendevanên kurdî.

Birêveberîya LMd-kurdî