Hejmara hezîranê ya Le Monde diplomatique kurdî, bi naverokeke dewlemend derket pêşberî xwendevanên kurdî.

Xwendevanên rojnameyê, di hejmara hezîranê de ji edîsyona fransizî dê bikaribin gotar û analîzên wekî; 'Hevgirtina Atlantîk li sefera Asyayê ye', 'Covid-19, Sedemên felaketa hindî', 'Canbazîya li ser ben a mîzahvaneke çînî', 'Jinên teqîner', 'Çapemenîya gunehkar' û hwd. bixwînin.

Xwendevanên Lmd-kurdî, di beşa nivîsên redaksîyona kurdî de vê mehê dê gotar û analîzên akademîsyen û nivîskarên kurd Ceng Sagnıc, bi sernavê 'Ji Peymana Sê Sînor heta îro: ‘Naçarîya nakokîyên herêmî li Kurdistanê’ Jan Dost bi sernavê 'Derbarê xebata li ser Mem û Zîn' û Narîn Nadîrova jî bi sernavê 'Bandora Covid 19ê ya li ser aborîya global' bixwînin,
Lmd-kurdî, di vê hejmarê de cih daye sê gotarên balkêş yên ji arşîva Le Monde diplomatîque; Thomas Bois 'Ji dayikbûn û ketina Komara Kurdistanê li Mehabadê', Nadia Maucourant 'Azadîya jinan li başûrê Kurdistanê' û Kamuran Bedirxan 'Aştkirin, paşê dîsa şer'

Hevkara me Jînda Zekioğlu hevpeyivîneke balkêş a li ser ''Trawma û tesîrên wê'' bi Prof. Dr. Jan İlhan Kizilhan re ji bo xwendevanên LMd-kurdî kirîye.
LMd-kurdî, di hejmara hezîranê de rûpelên xwe bi wêneyên wênesazê kurd Kawa Kafruşî xemilandîye, hunermendê vê hejmarê ji başûrê Kurdistanê ye.
Xwendevan dikarin bi rêya malperên jêrîn yên medyaya civakî rojnameyê bişopînin:

Web: http://lemonde-kurdi.net/
Facebook: Le Monde diplomatique kurd
Twitter: @Diplo_Kurdi
Instagram: diplo_kurdi
E-Mail: info@diplo-kurdi.com

Rojnameya LMd-kurdî di bin banê RÛPEL MULTIMEDIA GMBHyê de, bi weşana dîjîtal xizmetê dide xwendevanên kurdî.

Birêveberîya LMd-kurdî