Bi slogana Ewropa-Fata Morgana, li meha 16.-24ê hezîrana 2017an, 6 helbestvanên kurd û 6 helbestvanên alman li Berlînê bên cem hev.
Ew ê li atelyeya VERSschmuggel him bi zimanê xwe helbestên xwe bixwînin û bi alîkariya wergêrek berhemên hevdu fêm bikin û bi zimanê xwe biafirînin, him jî bêyî ku ew kurdî-almanî fêm bikin, ji hev gotinan bidizin û helbestên nû binivîsin.

Festîval ji aliyê Haus der Poesie ve tê birêvebirin. Îsal wê bibe cara 18.
Armanc di navbera du zimanan de avakirina pireke kulturî ye.

Helbestvanên kurd û alman wê bi qasî hefteyek bidin bistînin.
Li dawiyê bi du zimanan (kurdî-almanî) pirtûkekê bê çapkirin.

Hêjayê gotinê ye, ku cara yekem e edebîyata kurdî di asteke bilind de tê nasandin û pêşwazîkirin.
Bi vî awayî li gulistana edebîyata cîhanê reng û bêhna kurdî jî xuya bike û belav bibe.

Komxebat

Workshop 17, 18 û 19ê meha hezîranê li Haus für Poesie bê lidarxistin.
Encama xebatê 20ê hezîranê li Berlînê, li festîvala helbestan a Berlînê li Akademiya kulturan bê xwendin û wek antolojî li Almanyayê li weşanxaneya Verlag das Wunderhorn bê çapkirin.
Herwiha hemû helbest bi zimanê resen li malpera www.lyrikline.org bên guhdarîkirin û li malperê bi herdu zimanan bên weşandin.

Helbestvanên kurd

Ji 6 helbestvanên kurd, 3 jin, 3 mêr in.
Ji bakurê Kurdistanê Yildiz Çakar
Ji başûrê Kurdistanê Mueyed Teyîb
Ji rojhilatê Kurdistanê Kerîm Kurmanc
Ji rojavayê Kurdistanê Anahîta Şêxê
Ji Ermenîstanê Eskerê Boyîk
Ji diyasporayê Fatma Savci

Ziman û nasname

Herwiha roja dawî bi helbestvanên kurd re ji bo çapemenî û raya giştî civînek bi mijara "Ziman û nasname" bê lidarxistin.
Helbestvanên kurd him serpêhatiyên xwe li ser mijarê bêjin him jî bersiva beşdaran bidin.
Zimanê civînê kurdî-almanî ye.

Lînka Mala helbestan:
http://www.haus-fuer-poesie.org/de/poesiefestival-berlin/home-poesiefestival-berlin/

18.05.2017